BETAŞANS TRİO EK

Təsiredici maddə: 112 qr/ l Etofumezat + 91 qr/ l Fenmedifam + 71 qr/ l Desmedifam

Şəkər və yem çuğunduru əkinlərində birillik ikiləpəli və dənli alaq otlarının məhv edilməsi üçün herbisid.

Preparatın üstünlükləri:

• Birillik ikiləpəli və taxıl fəsiləsi alaqlarına qarşı geniş təsir spektrinə malikdir.
• Təsir spektrinin genişləndirilməsi üçün, çən qarışıqlarında digər herbisidlərlə mükəmməl şəkildə qarışdırılır.
• Növbəli əkin sistemində növbəti bitkisi üzərində heç bir təsiri olmur.

  Emulsiya konsentratı (EK)                        3 il.

  Kanistr, 10 l.                                           –10 °C-dən +25 °C-dək

  Məhv edilən obyektlər: Yüksək həssas alaqlar: yabanı xardal, yovşanyarpaq ambroziya, şüvərən (növləri), süpürgə otu, adi cincilim, adi xaçgülü, sirkən, adi şehçiçəyi, tərə (növləri), qara quşüzümü, quşəppəyi, adi işırqan, yabanı turp, çəmən kişnişi, amarant (növləri), adi yavşan otu (bulaqotu), dalamaz (növləri), çöl qanqalı və sarı südotu (toxumdan böyümüş).

  Orta həssas alaqlar: ilişkən qatıqotu, qırxbuğum (növləri), əkin güləvəri, kokia süpürgəsi, dirrik südotu, toyuq darısı, qıllıca (növləri), adi yovşan, birillik poruq, pişikdilli, yandıran gicitkən, adi süpürgə, adi şoran.

  Az həssas alaqlar: dərman şahtərəsi, Teofrast kəndirotu, sürünən ayrıqotu, çobanyastığı (növləri), kök zoğlarından böyümüş çöl qanqalı və sarı südotu, barmaqvari çayır, bataqlıq poruğu, şehçiçəyi.

  Təsir mexanizmi: Preparat alaq otlarının cücərtilərinin fotosintezini, zülal mübadiləsini məhv edir, hüceyrələrin bölünməsini ləngidir, mum qatının əmələ gəlməsini dayandırır.

  Təsir sürəti: Tətbiq edildikdən sonra 2- 3 gündə alaq otlarının böyüməsi dayanır, onların rəngi solğunlaşır və turqorunu itirir. Hava şəraitindən asılı olaraq, 7- 12 gündə, onlar tamamilə məhv olur.

  Tətbiq normaları və müddətləri: Preparatı ikiləpəli alaq otlarının cücərtiləri (ləpələri) əmələ gəldiyi zaman tətbiq etməyə başlamaq məsləhətdir. Bu zaman preparatın dozası minimal ola bilər - 1 l/ ha. İkiləpəli alaqlarda, xüsusilə də ağımtıl tərədə birinci əsl yarpaqlar əmələ gəldiyi zaman doza 1,2- 1,3 l/ ha qədər artırılmalıdır. Preparat 1,5- 2 l/ ha dozada yalnız şəkər çuğundurunda ən azı 4 əsl yarpaq əmələ gəldiyi zaman tətbiq olunur.

  İşçi məhlulun hazırlanma texnologiyası: çiləyici qabına 300- 400 l su doldurulur, daha sonra isə, hidroqarışdırıcı işləyə- işləyə, zəruri miqdarda preparat əlavə edilir. Qarışdırmanı dayandırmadan, çən tələb olunan həcmdə doldurulur. İş zamanı, çiləyicidə müəyyən miqdarda işçi məhlulu qaldıqda, birinci və ya su ilə eyni zamanda, çiləyici çəninə preparat tökülür. Preparatların əkinlərə çilənməsini işçi məhlulu hazırlandıqdan dərhal sonra həyata keçirmək zəruridir.

  Çiləyicinin təmizlənməsi: Betaşans Trio tətbiq edildikdən sonra, çiləyicini əvvəlcə təmiz su ilə, daha sonra isə susuzlaşdırılmış sodadan (yuyucu tozdan) və sudan ibarət, 100 l suya 250-300 qr. soda hesabı ilə hazırlanmış məhlulla yaxşıca yumaq zəruridir.

  Digər preparatlara qarışdırılması: Şanstrel 300, Karişans, Kletoşans, Qaloşans, Duşans və digər herbisidlərlə, habelə, insektidilərlə, fungisidlərlə, böyümə stimulyatorları ilə qarışdırıla bilər, mikrogübrə preparatları ilə qarışdırmaq arzuolunmazdır. Preparatları qarışdırmazdan öncə, həmişə, fiziki- kimyəvi uyğunluğunu yoxlamaq zəruridir.

  Preparatın effektivliyinə təsir göstərən amillər:

• Havanın temperaturu (optimal olan +16° С-dən +24° С-dək olan temperaturdur). Temperatur daha aşağı olduğu zaman normanı 10- 20% artırmaq zəruridir.
• Havanın nisbi rütubəti. Havanın optimal nisbi rütubəti 60%-dən çox nisbi rütubət hesab olunur. Bu göstərici daha aşağı olduğu zaman normanı 20- 30% artırın.
• Havanın temperaturu +7 °С-dən aşağı olduğu zaman çiləməni həyata keçirmək məqsədəuyğun deyil, zərərvericilər və ya dolunun çox zədələdiyi çuğundur bitkilərinə preparatı tətbiq etmək olmaz.
• Preparat tətbiq edilməzdən öncə və tətbiq edildikdən sonra şaxtanın düşməsi. Gecə şaxtanın düşəcəyi ehtimal olunduğu zaman preparatı tətbiq etmək məqsədəuyğun deyil, çünki bu şəkər çuğundurunun məhv olmasına səbəb ola bilər.
• Çiləmədən 6 saat keçmədən yağış yağdığı halda, preparatın effektivliyi azala bilər.
• Preparatın tətbiq normaları alaq otlarının inkişaf fazasından asılıdır.

  Fitotoksikliyi: Temperatur +25° С-dən yüksək olduqda preparat tətbiq edildiyi zaman çuğundurun yarpaqlarında nekrotik ləkələr və ya yanıqlar əmələ gələ bilər. Buna görə, çiləməni axşam, səhər və ya gecə vaxtı həyata keçirmək zəruridir.

  Təhlükə sinfi: Preparat 3-cü təhlükə sinfinə aiddir.