SHANSYUGEN SE

Təsiredici maddə: 69 qr/ l Fenoksaprop-P-Etil + 34,5 qr/ l Antidot Klokvintoset- Meksil

Buğda və arpa əkinlərində birillik daryarpaqlı alaqlarının məhv edilməsi üçün herbisid.



Preparatın üstünlükləri:

• Bir çox hər yerdə yayılmış taxıl alaqlarına qarşı yüksək effektivlik nümayiş etdirir.
• Tez bir zamanda alaq bitkisinə nüfuz edir və dərhal onun böyüməsini və inkişafını dayandırır.
• Preparatı taxıl və arpanın inkişaf fazasından asılı olmayaraq tətbiq etmək olar.

  Sulu emulsiya (SE).                      2 il.

  Kanistr, 10 l.                                –10 °С-dən +40 °С-dək



  Məhv edilən obyektlər: Effektiv şəkildə darı (növləri), qıllıca (növləri), yulafcanı, Panicum virgatum-u, darını (tökülmüş dən), Adi süpürgə (çəmən süpürgəsi), tülküquyruğu, birillik dişə, Qanlı barmaqotu, bülbülotunu və s. məhv edir.

  Təsir mexanizmi: Tətbiq edildikdən 1-3 saat sonra, preparat yarpaqlardan bitkiyə nüfuz edir və böyümə nöqtələrində yığılır. Yağ turşularının meristem toxumalarında sintezini ləngidir ki, bu da hüceyrə membranlarının yaranmasının dayanmasına və onların məhv olmasına gətirib çıxarır. Antidot, sonradan buğda və arpanın bitki orqanizmindən çıxarılan neytral metabolitlərin əmələ gəlməsi ilə, dayanıqlı bitkilərdə təsiredici maddənin detoksikasiyası prosesini sürətləndirir. Preparat yalnız tətbiq edildiyi zaman düşdüyü bitkiyə öz toksik təsirini göstərir.

  Təsir sürəti və zədələmə əlamətləri: Şansyugen tez bir zamanda alaq bitkilərinin yarpaqları tərəfindən udulur ki, həmin yarpaqların böyüməsi və inkişafı ikinci sutkada ləngiyir, yarpaqlar solğun rəng alır. Daha sonra, böyümə nöqtəsinin fəaliyyətinin tamamilə dayanması dövrü gəlir ki, bu da, 11-15 gündə bitkinin tamamilə məhv olmasına səbəb olur.

  Tətbiq normaları və müddətləri: Preparatı səthdə kütləvi şəkildə həssas alaqlar əmələ gəldiyi zaman tətbiq etməyə başlayırlar ki, onlar kollanma fazasında effektiv şəkildə məhv edilir. Preparat daha gec müddətdə tətbiq edildikdə, effektivliyi azala bilər.

  İşçi məhlulun hazırlanması texnologiyası: Əvvəlcə, çiləyicinin çəninə 300- 400 l su doldurulur. Daha sonra, hidroqarışdırıcı işləyə-işləyə tələb olunan miqdarda preparat tökülür. Su, eyni zamanda qarışdırmaqla, tam dolana qədər, tökülür.

  Çiləyicinin təmizlənməsi: Şansyugen tətbiq edildikdən sonra, çiləyicini əvvəlcə təmiz su ilə, daha sonra isə susuzlaşdırılmış sodadan və sudan ibarət, 100 l suya 250-300 qr. soda hesabı ilə hazırlanmış məhlulla yaxşıca yumaq zəruridir.

  Digər preparatlarla uyğunluğu: Şansyugen dənli bitkilərə tətbiq edilən bir çox ikiləpəlilərə qarşı preparatlara, habelə, böyümə tənzimləyicilərinə, fungisidlərə və mikrogübrələrə uyğundur.

• Çən qarışıqları hazırlanmazdan öncə, komponentlərin fiziki- kimyəvi uyğunluğunu yoxlamaq zəruridir.
• Tərkibində 2,4- D olan preparatları çən qarışığına daxil etmək olmaz.
• Əkinlərdə taxıl alaqları ilə zibillənmə dərəcəsi yüksək olduğu halda, preparat təmiz halında, ikiləpəlilərə qarşı herbisidlərlə qarışdırılmadan, tətbiq edilsə, daha yaxşı olar.

  Növbəli əkin üzrə məhdudiyyət: Çiləmədən sonra gələn növbəti il istənilən bitkini əkmək olar.

  Fitotoksiklik: Tövsiyə olunan tətbiqetmə norma və müddətlərində, herbisid taxıl və arpa üçün fitotoksiki deyil.

  Təhlükə sinfi: Preparat 3-cü təhlükə sinfinə aiddir.




Tətbiq qaydaları