ŞANS DKB SM

Təsiredici maddə: 480 q/l Dimetilamin duzu şəklində Dikamba turşusu 
Taxıl bitkiləri və qarğıdalı əkinlərində birillik və çoxillik ikiləpəli alaqların məhv edilməsi üçün cücərmədən sonra tətbiq edilən herbisid.

Preparatın üstünlükləri:

• Alaqlara qarşı ən geniş təsir spektrinə və ən yüksək effektivliyə malikdir.
• Növbəli əkində məhdudiyyəti yoxdur.
• Qlifoşanslı və Şanstarlı çən qarışıqlarında istifadə edildiyi zaman sinergizm nümayiş etdirir.

  Sulu məhlul (SM).                      3 il.

  Kanistr, 10 l.                             0 °С-dən +30 °С-dək

  Məhv edilən obyektlər: Şans DKB birillik və çoxillik ikiləpəli alaqların geniş spektrinə qarşı yüksək effektivliyə malikdir. Həssas alaq bitkilərinə aşağıdakılar aiddir: süpürgə otu (növləri), qaratərə (növləri), ağımtıl tərə, sirkən, ambroziya (növləri), göyçiçək (növləri), quş qırxbuğumu (növləri), dərman şahtərəsi, adi pıtraq (növləri), adı cincilim, kəndirotu, xaçgülü (növləri), gicitkıən , qaymaqçiçəyi (növləri), yabanı xaşxaş, ilişkən qatıqotu, qara quşüzümü, quşəppəyi, yabanı yarğanotu, işırqan (növləri), dərman zəncirotu, birillik poruq, dalamaz, bağayarpağı, alaqlı yabanı günəbaxanı, dirrik pərpərəni, çobanyastığı (növləri), yabanı turp, xırdaçiçək qalinsoqa, çöl kişmişi, əvəlik (növləri), süpürgə otu, adi dəlibəng, koxia süpürgəvari, çöl bənövşəsi və s.
  Təsir mexanizmi: Şans DKB sistem təsirə malik olan, çox kəskin preparatdır. Bitkilərə əsasən yarpaq aparatından nüfuz edir, lakin kök sistemindən də sorula bilər. Bitkinin damar sistemində yayılaraq, yarpaqların uc hissəsində toplanır , bu zaman auksinəbənzər böyümə inhibitoru kimi təsir edir. toplandığı yerlərdə, preparat toxumaların böyüməsinə səbəb olur, nukelin turşularının metabolizmini və fitohormonların balansını pozur, fotosintez prosesini ləngidir. Bu proseslərin hamısının pozulması, son olaraq, bütün alaq bitkisinin məhv olmasına gətirib çıxarır.
  Təsir sürəti və zədələmə əlamətləri: Zədələnmənin ilk əlamətləri, hava şəraitindən, alaqların növündən və yaşından asılı olaraq, tətbiqdən 7-15 gün sonra özünü biruzə verir. Bu zaman yarpaqlar solğun rəngə, alaq bitkilərinin bəzi növlərində isə antosian rəngə boyanır, yarpaqların saplaqları deformasiya olur, gövdələr burulur. Kök qalınlaşır və daha tez qırılan olur. Bitkilərin tamamilə məhv olması tətbiqdən sonra 12-20 gün baş verir.

  Tətbiq normaları və müddətləri: Şans DKB sünbüllü bitkilərin kollanma və qarğıdalının 3-5 yarpaq fazasında, birillik alaqlar 2-4 yarpaq fazasında, Sonchus-ların hündürlüyü isə 15 sm-dək olduğu zaman, tətbiq edilir. Preparat alaq bitkilərinin rüşeym yarpaqlarına tətbiq edildiyi zaman təkrarçiləməni keçirilməsi zərurəti yarana bilər. Preparatın tətbiq norması, qorunan bitkidən, alaqların növ tərkibindən, onların inkişaf fazasından və cücərmə sıxlığından asılı olaraq, 0,15-0,8 l/ha təşkil edir. İşçi məhlulun sərfiyyatı - 200-300 l/ha.
  İşçi məhlulun hazırlanması texnologiyası: Əvvəlcə çiləyicinin çəninə su tökülür. Daha sonra, hidroqarışdırıcı işləyə-işləyə tələb olunan miqdarda preparat tökülür. Su, eyni zamanda qarışdırmaqla, tam dolana qədər, tökülür. Hazırlanmış işçi məhlulunu həmin gün istifadə edirlər.
  Çiləyicinin təmizlənməsi: Şans DKB tətbiq edildikdən sonra, çiləyicini əvvəlcə təmiz su ilə, daha sonra isə susuzlaşdırılmış sodadan və sudan ibarət, 100 l suya 250-300 qr. soda hesabı ilə hazırlanmış məhlulla yaxşıca yumaq zəruridir.
  Preparatın effektivliyinə təsir göstərən amillər:

• Preparat +11 °С-dən +25 °С-dək olan temperatur diapazonunda alaqları effektiv şəkildə məhv edir.
• Alaqlanma sıxlığı yüksək olduğu halda, preparatın normasını 10- 15% artırmaq olar, lakin bu norma maksimal yol verilən normadan artıq olmamalıdır.
• Bol şeh şəraitində,dolu və ya həşəratların çox zədələdiyi yetişdirilən bitkilərə preparatı tətbiq etmək məsləhət deyil.
• Çiləmədən 2 saat sonra yağan yağış emal olunan bitkilərin üzərindən preparatı yuyub aparmayacaq, alaqların məhv edilməsi effektivliyini zəiflətməyəcək.

  Digər preparatlarla uyğunluğu: qarışdırılması: Şans DKB bir çox herbisidlərə, insektisidlərə, fungisidlərə, habelə, böyümə tənzimləyiciləri və mikrogübrə preparatlarına ilə qarışdırıla bilər. Buna baxmayaraq, çən qarışıqlarını hazırlamazdan öncə, komponentlərin fiziki - kimyəvi uyğunluğunu yoxlamaq zəruridir.
  Fitotoksiklik: Şans DKB-nin tövsiyə olunan normada və müddətdə tətbiq edilməsi becərilən bitkilərə toksik təsir göstərmir.
  Təhlükə sinfi: Preparat 3-cü təhlükə sinfinə aiddir

Tətbiq qaydaları